وصفوها بطلقات الرصاص ... جمل لن ننساها لأبطال وحيد حامد

وحيد حامد

السبت , 2 يناير 2021 - 11:04 | اخر تحديث: السبت , 2 يناير 2021 - 12:32

البلد دي اللي يشوفها من فوق غير اللي يشوفها من تحت، اللي عاوزه يشوفها حلوة على طول يشوفها من فوق دايما "فتحي نوفل" "طيور الظلام" حجات كتير هترخص وتبقى بسعر التراب.. أنا وانت والأستاذ وحضراتكم أجمعين... "الأرهاب والكباب" أنا مش في خدمة الوطن.. أنا في خدمة الباشا سيادة اللوا، وحرم الباشا سيادة اللوا، والعيال البشوات ولاد سيادة اللوا "الإرهاب والكباب" لازم كل حاجة في بلدنا تبقى حجارة عشان ما تتسرقش.. حتى الحب والروح الحلوة اتسرقوا يا علي "اللعب مع الكبار" أنا هاااااااااحلم "اللعب مع الكبار" اسمع يا فتحي أنا أعلم عنك الكثير، وأنا كمان أعلم عنك الكثير، بلاش نضحك على بعض يا علي، مفيش صداقة ابدا مع خصومة، اتنين ديابة لا يمكن يعيشوا مع بعض في قفص واحد "طيور الظلام" القانون زي ما بيخدم الحق بيخدم الباطل.. واحنا الباطل بتاعنا لازم يكون قانوني "طيور الظلام" أنا خدمت البلد خدمات كتير جدا، كان المفروض اخد عليها نياشين.. لكن زي ما حضرتك عارف كنا بنشتغل من غير رتب.. المعارك والبطولات بتاعتنا كانت على السراير والملايات الناعمة، والبناء الحسن بتاع الولايا راح وماحدش حس بيه "كشف المستور" كلمة أنا بحبك عقد، اللمسة عقد، النظرة عقد، الوعد بالجواز دا أكبر عقد "اضحك الصورة تطلع حلوة" إحنا صغيرين أوي يا سيد "اضحك الصورة تطلع حلوة" أنا برقص بوسطي وإنت بترقص بلسانك..."سونيا سليم" "الراقصة والسياسي" ده حسين أفندي ابن أبويا الحاج وهدان، لا يمكن يكون من أعداء الوطن.. "أحمد سبع الليل" "البريء" الدنيا يا ولدي ليها وشين.. أبيض وأسود.. لما تبقى بيضا قدامك افتكر الأسود عشان تسلك، ولما تبقى سوده افتكر الأبيض عشان تقدر تعيش لبكرة.."الإنسان يعيش مرة واحدة" أنا مش طالب غير إنسانيتي، مش عايز اتهان مش عايز اتهان فى البيت ولا في شغلي ولا في الشارع بيتهيائلي دي مطالب لا يمكن اتعاقب عليها... "الإرهاب والكباب" يبصوا على البلد اللي باظت.. إحنا في زمن المسخ.. "زكي الدسوقي" " عمارة يعقوبيان" أنت فاتك قطر الجواز؟ انا فاتتني قطارات كتير "المنسي" الفيلم ده قصة ولا مناظر "المنسي" العدالة ليها رجلين تنصف المظلوم وتعاقب الظالم، أنتم عايزين عدالة برجل واحدة بس "الغول"