هيدي كرم تتعرض لهجوم بعد نشر فيديو حمل ابنها لها: اتهمونا بالشذوذ

فى حياة المشاهير

الاثنين , 21 يونيو 2021 - 00:06

كشفت الفنانة هيدي كرم عن تعرضها لهجوم بسبب نشر فيديو صورته مع ابنها بعد عودته من الجيم، وهو يحملها أثناء أدائهما تمرينا رياضيا.

وخلال مداخلة هاتفية مع الإعلامي عمرو أديب ببرنامج "الحكاية" على قناة MBC مصر، قالت هيدي كرم: "التعليقات والاعتراض كان: شيء مش محترم، وشيء فيه شذوذ، وإننا عيلة شاذة، ووضعنا شيء مقرف جدا وحاجة مقززة."

وعن رد فعل ابنها بعد هذا الهجوم، قالت: "ابني شخص عاقل ومتفتح ومتفهم جدا، وعارف إن ده وارد يحصل. طبعا أنا حزينة إنه يقرا الكومنتات دي، وحزينة إنه يشوف الموضوع كبر بهذا الشكل، وحزينة إني أخدت القرار ونزلت الفيديو مع إنه كان برضاه. وحزينة لإن فرحتي بيه وفرحته بنفسه اتقابلت بهذا الكم من الهجوم والإهانة."

وردا على سؤال "هل ده حيمنعك إن ابنك يشيلك ويلف بيكي القوضة 4 أو 5 مرات؟" قالت: "أبدا، أنا سعيدة باللي عملته، ومش ندمانة أبدا إني نزلت الفيديو، ومش ندمانة إني مشلتش الكومنتات ودي يمكن المرة الأولى، لكن المرة دي قررت خلونا نشوف بعض النماذج المريضة في المجتمع، لأن للأسف الثمرة البايظة بتعدي اللي حواليها."