طرحت الفنانة نجوى كرم الأغنية السادسة من ألبومها الغنائي الجديد "كاريزما"، وجاءت الأغنية بعنوان "بحبك حب".
وتتعاون نجوى كرم في أغنية "بحبك حب" مع الشاعر والملحن إيفان نصوح، والموزع الموسيقي فادي جيجي، وتقول كلمات الأغنية:
انتَ أحلى وأغلى وأجمل شي اخترتو بحياتي
كل شي قبلك عشتو وشفتو محيتو من حساباتي
وحتّى حظّي ما حالفني الّا لمّا حبّيتك
حبّك وجّك خير عليّي ومطرحك جوّاتي
بحبّك حبّ وحقّ الربّ
ما حدا حبّو لحدا
حبّ كبير كتير كبير
ما الو حدود ومدى
وعيونك الله خالقا
تـ دلّلها وإسعدا
أول مرة بعمري قلبي بيرجف بهالقوّة
وبشوف الدّنيي مليانة أفراح ومحلوّة
عيوني بتلمع لمّا بشوفك قدّامي وبتقلّي
شوفي فارس أحلامك قدّامك هيدا هوّي
بحبّك حبّ وحقّ الربّ
ما حدا حبّو لحدا
حبّ كبير كتير كبير
ما الو حدود ومدى
وعيونك الله خالقا
تـ دلّلها وإسعدا
وعلى مدى الأيام الماضية، طرحت نجوى كرم 5 أغنيات من الألبوم هي "عشر دقايق"، و"كاريزما"، "شغل موسيقى"، "مغرومة بحالي"، "زعلك صعب".