أوضحت الإعلامية اللبنانية فاتن موسى أن إحدى المشكلات التي كانت بينها وبين زوجها السابق، الفنان مصطفى فهمي، كانت موقفه من عملها.
وفي حوارها مع الإعلامية ياسمين عز في برنامج "كلام الناس" المذاع عبر قناة MBC مصر، قالت فاتن موسى: "أنا كان تفكيري إن الحب هيغيره، وهيقدر اللي بعمله معاه، لكن كان كل ما أكسبه يلغيني أكتر."
وأضافت: "كان رافض إني أشتغل، وقاللي الشغل هيحررك مني، وبعد 6 سنين زن وافق أشتغل في مسلسل الحرير المخملي، وأنا كنت بطالب بحقي، لإن أهلي ربوني وعلموني."
وتابعت: "قبل الجواز كنا بنعيش أحلى صورة، ولو في حاجات مش على مزاجه يسايرني فيها، لكن آخر سنة ونص كان بيقوللي لو اشتغلتي هطلقك، أنا عندي تجربة سيئة مع السيدات العاملات، وعايزك تتفرغي عشاني."
وأكملت: "وصلت لإنه قاللي وقتك ده لو اشتغلتي مقتطع من حقي عليكي، فلوسه هتروح فين، فقلتله خليني أساعدك. أكيد هو مش محتاج مساعدة في مصاريف البيت، وربنا منعم عليه كتير، لكن هو ماسك."