حلت يوم ذكرى وفاة الفنانة فايزة أحمد، التي رحلت عن عالمنا في 21 سبتمبر من عام 1983، وفي هذه المقابلة من برنامج "ساعة صفا" على شبكة ART تحكي الراحلة وردة للفنانة صفاء أبو السعود موقفا مؤثرا يكشف عن معاناة فايزة أحمد في أيامها الأخيرة.
تقول وردة في ذلك اللقاء عن فايزة أحمد: "هي انفعالية لكن طيبة القلب، ومع الأسف معرفتش ده إلا لما عيت لما رحتلها المستشفى، ففعلا في الآخر بقيت كل يوم أروح لها البيت لحد ما ودعتنا."
وأضافت: "حقولك على حاجة يمكن خاصة شوية، بس أحب أقولهالك عشان تعرفي أد إيه إتعذبت في الآخر. أنا لما كنت بحضنها عشان أرجع بيتي وهي كانت في سريريها، إتصوري كانت بتطبل في السرير وبنغني ونقلد ونضحك، وندمانة على السنين اللي فاتت مكنتش بقعد معاها. أنا دمي مش خفيف زيها، دي ما شاء الله بتقلد حتى الرجالة. فباخدها بالحضن وبوستها قوي، فقالتلي غريبة يا وردة إنت أول واحدة بتحضنيني لإنهم كلهم خايفين إن المرض اللي عندي يكون معدي. شوفي الكلمة قاسية ازاي، الناس القريبين منها لكن جهلة خايفين يبوسوها في الآخر."