استعادت الفانة نور إيهاب فترة مشاركتها في مسلسل "أبو البنات"، الذي لعبت فيه دور ابنة الفنان مصطفى شعبان، واستقبال الجمهور لشخصيتها في العمل.
وفي حوارها مع الفنانة إسعاد يونس في برنامج "صاحبة السعادة" على قناة dmc، أوضحت نور إيهاب أنها اشتركت في "أبو البنات" بالتزامن مع مشاركتها في الجزء الثاني من مسلسل "يوميات زوجة مفروسة"، وقدمت فيه شخصية "رخمة جدا" على حد وصفها.
وقالت نور إيهاب: "كنت بافتح الفيسبوك بالصدفة ألاقي ناس بتشتمني، إيه البنت الرخمة دي، بس كنت مبسوطة لإن الدور كان مختلف عن يوميات زوجة مفروسة، والناس صدقت واقتنعت."
وعن مشاركتها في "يوميات زوجة مفروسة"، قالت: "اتعلمت حاجات كتير قوي لإنها كانت أول حاجة أعملها. أستاذ أحمد نور المخرج، وداليا البحيري، وكل الناس اللي كانوا معايا في المسلسل، حتى مثلت مع أستاذ سمير غانم، ورجاء الجداوي، واتعلمت من كل حد فيهم حاجات كتير قوي."
وشرحت نور إيهاب أن بدايتها كانت من خلال الإعلانات، وكان أول إعلان تظهر به إعلان في الجريدة، ونشرت لها صورة وعمرها عامان عرضها البرنامج.