انتقد الإعلامي معتز عبد الفتاح قيام مجموعة من الفنانين بالرقص في حفل زفاف، مساء اليوم الذي حضروا فيه جنازة الفنان الراحل سمير غانم.
وخلال تقديمه حلقة اليوم من برنامج "تحت الشمس" على قناة الشمس، قال معتز عبد الفتاح: "مش لطيف تروح الصبح تعزي في سمير غانم، وتروح فرح بالليل ترقص وتزيط. تروح بالليل شأنك شأن الناس الحضور ماشي، حاجة بروتوكولية عشان الناس ما تزعلش. الراجل لسه متوفي الصبح، وزميل وتاريخ ومعظمكم مثلتوا معاه وعارفينه بشكل شخصي، فأروح الصبح نعيط عشان الراجل توفاه الله، وبعدين نروح بالليل نرقص ونزيط. ما تبالغوش قوي عشان ما يبقاش الموضوع كله تمثيل في تمثيل، بنمثل قدام الشاشات ونمثل ورا الشاشة، حتى من باب مراعاة الظروف محدش يقول علينا كلمة بطالة."