تغريدة- كيف استقبل مستخدمو Twitter محمد هنيدي الجزء الثاني من صعيدي في الجامعة الأمريكية؟

ضحى عز | فى سينما وتلفزيون

منى زكي ومحمد هنيدي في "صعيدي في الجامعة الأمريكية"

الأحد , 6 أغسطس 2017 - 20:10 | اخر تحديث: الأحد , 6 أغسطس 2017 - 20:43

بمجرد أن أعلن الممثل الكوميدي محمد هنيدي التحضير لجزء جديد من فيلم "صعيدي في الجامعة الأمريكية"، خضوعا لرغبة الجمهور، انهالت التغريدات المهنئة له بهذه الخطوة أو المتخوفة من إفساد ذكرياتهم الجيدة لفيلمهم المفضل.

وعلى ما يبدو أن تغريدة محمد هنيدي لم تحصل على أكثر من 100 ألف إعادة تغريد من فراغ، وهو ما كشف عن تعطش عدد كبير من الجمهور لعودة "خلف الدهشوري خلف" للجامعة الأمريكية من جديد، لكن لا يمكن إغفال المتوجسين أيضا من الطريقة التي سيعود بها.

#خلف_راجع
وصلنا 100 الف :) pic.twitter.com/Ju3EzIAHTs
— Mohamed Henedy (@OfficialHenedy) August 4, 2017

وفيما يلي يستعرض لك FilFan.com رأي جمهور الفيلم في هذه الخطوة سواء المؤيدين لها أو المعارضين.

هو معرفش ليه بس انا مش متفائله بحوار ان في صعيدي في الجامعه الامريكيه ٢ ديه الصراحه هو اه انا تحمست فشخ بس لا مش مطمنه
— Nada (@NadaaZeiid1) August 5, 2017

نفسي فيلم صعيدي في الجامعة الامريكية يتساب في حاله من غير جزء تاني، انا بحب هنيدي بس الكوميديا بقت صعبة جداً، محدش بيعرف يضحك حد دلوقتي .
— Ahmed Mamdouh (@Zokas_egy) August 5, 2017

فكره ان صعيدي في الجامعه الامريكيه هيرجع تاني فرحتني جدا ....الفيلم ده مهما اتفرجت عليه مبملش منه ..
— loka لقمه (@amrlokma88) August 5, 2017

أنا عايز أفضل محتفظ بشكل شخصية خلف اللي شوفتها في فيلم صعيدي في الجامعة الأمريكية .. مش عايز أي لعب في الشكل ده .. يارب ما يعملوا جزء تاني 😑
— فارس (@bsbooosaaa) August 5, 2017

@OfficialHenedy صعيدى فى الجامعة الأمريكية من جديد 😀😀😀😀 قول والله دا انا هرقص فالعتمة والله بعودة يا خلف أتوحشناك يا غالى
— maya.taim (@mayataim2016) August 5, 2017

تقريبا انا الوحيد اللي مش فرحان اني هيتعمل جزء تاني من "صعيدي في الجامعه الامريكيه " لانه هيبقي اقل كتير من الجزء الاول و هيشوه الجزء الاول
— Abdallah (@abdonafea94) August 5, 2017

حلو موضوع صعيدى فى الجامعة الامريكية الجزء التانى ده .. أول فيلم سينما دخلته فى حياتى كان الجزء الأول 😃
— Ahmed (@Adel_Aviation) August 5, 2017

انا عايزة افاجئكم بس صعيدي في الجامعة الامريكية لو اتعمل تاني هيفشل و هيبقي سخيف جدا
— Reem (@reemyasserfouad) August 6, 2017

#خلف_راجع لازم خلف يرجع مع كل صحابة السقا ولطفي ومني وهاني وغادة ومليجي ،، لو حصل الفيلم دة هيعمل أعلي ايراد في تاريخ السينيما
— اقولك ومتزعلش ؟! (@bo_midoo) August 4, 2017