مي كساب لغادة عبد الرازق: "اعتذارك حاجة كبيرة ودموعك غالية"

نهال ناصر | فى حياة المشاهير

مي كساب

الأربعاء , 5 يوليو 2017 - 11:59 | اخر تحديث: الأربعاء , 5 يوليو 2017 - 11:59

وجهت الفنانة مي كساب رسالة دعم للممثلة غادة عبد الرازق، بعد خروج الأخيرة أمس وتقديمها لاعتذار لجمهورها في مصر والوطن العربي عن الفيديو الحي المثير للجدل الذي نشرته عبر حسابها على موقع Instagram.

وعبر حسابها في موقع Instagram نشرت مي صورة لغادة وابنتها روتانا وعقَبت عليها لتؤكد أنها تعلمت أن تقول الحق، وفي أزمة غادة فهي لن تعلق على ما حدث ولكن ستُعلق على فيديو اعتذارها الذي ظهرت فيه وهي تبكي.

وقالت مي إنها عملت من قبل مع غادة وهي شخصية محترمة ووصفتها بـ "الجدعة" وأنها تُحب وتحترم شغلها وتحترم الكبير والصغير، كما أكد أنها شاهدة على أن غادة لا تنام إلا بعد أخذ أدوية مهدئة وهي التي تؤثر عليها كثيرا.

ووجهت مي رسالة لغادة لتقول لها إن دموعها غالية وأن اعتذارها شيء كبير وأن الله غفور رحيم، وأنها تُصدق ما تقوله، وهي حزينة لأن غادة وصلت لمرحلة أن تظهر وهي تبكي وتبدو وكأنها مكسورة.

وطالبت مي الجميع بالاعتراض على الخطأ ولكن بطريقة مهذبة لأن ديننا دين أخلاق ومعاملة.

انا عمري في حياتي ما باقول غير الحق ابويا رباني علي كده ودي شهاده حق وواجب عليه لازم اعمله انا بقالي ١٧ سنه بأشتغل في المهنه دي مثلت تقريبا مع كل الوسط الفني #غاده_عبدالرازق من اجدع وانضف الشخصيات اللي ممكن تشتغل معاها ست جدعه وأم حنينه جدا لبنتها الطياره المحترمه روتانا قزاز انا اشتغلت معاها فيلم طول الوقت كانت حنينه وجدعه معايا ومع غيري بتحب شغلها بتحترم الصغير والكبير وفوق كل ده طبعا دي موهبه عظيمه وكبيره استاذه وانا شاهده انها مش بتعرف تنام غير لما تاخد دوا فعلا وناس كتير عارفه تأثير الدوا المهديء ده ايه اعتذارك حاجه كبيره ومحترمه منك ودموعك غاليه جدا ما تضايقيش نفسك ربنا غفور رحيم وهوه ارحم من البشر بكتير وكل إنسان بيفهم ويري بعينه هوه وانا عن نفسي صدقتك وفخوره بيكي ربنا يخليكي لبنتك وأحفادك وكل اللي بيحبوكي ❤️🌹🙏🏻😘( انا مش عارفه ليه نوصل انسان انه يبكي بالشكل ده قدام ناس كتير و يبان مكسور كده من الفضيحه ، احنا للاسف بننصب المحاكم لغلطات الناس و ننسي نفسنا، بل بالعكس بنعصم نفسنا من الخطأ بغض النظر عن رايك فيها، بغض النظر عن رايي في الحصل و منغير ما نحاسب و نحرم و نكفر، دي ممثله قعدت سنين كتيير تقدم اعمال حلوه و ناس كتير حبتها ( حتي لو انت مش منهم) اه ممكن نعترض علي الغلط بس مش بغلط اكبر، ممكن ننصح بس مش في العلن، خلينا ناخد الايه كامله، مش ناخد نص الكلام بس. ربنا برضه غفور رحيم و ديننا دين اخلاق و معامله قبل اي حاجه، استروا بعض يا جماعه ربنا يستر علينا و يعفينا و يرحمنا من اي خطأ. من ستر مسلما ستره الله في الدنيا والآخرة، ومن فك عن مكروب كربة فك الله عز وجل عنه كربة من كرب يوم القيامة، ومن كان في حاجة أخيه كان الله في حاجته) الكلام اللي بين القوسين منقول من رنا رشيدي

A post shared by Maiikassabofficial (om Farida) (@maiikassabofficial) on Jul 4, 2017 at 2:31pm PDT

وكانت غادة عبد الرازق تعرضت لهجوم عنيف بعد ظهورها في فيديو بث حي على حسابها بموقع Instagram بسبب تعري جسدها بدون قصد في بعض مقاطعه.

اقرأ أيضا:

غادة عبد الرازق توجه الشكر لخيري رمضان ويوسف الحسيني

خيري رمضان يتعرض للشتيمة بسبب غادة عبد الرازق