يعيش الممثل والمنتج محمد محمود عبد العزيز حالة من الحزن بعد رحيل والده خاصة بعد حلول شهر رمضان الكريم الذي يعد الأول بدونه.
وكتب محمد عبر حسابه على موقع الصور والفيديوهات الشهير Instagram، رسالة مؤثرة لوالده وأهدى له صيامه وكل عمل خير سيقوم به مثلما علمه.
وكانت نص الرسالة "كل سنه و حضرتك طيب و بخير يا ابويا و صاحبى و اخويا و كل ما ليا، اول مره فحياتى ماتكونش معايا و قدام عنيا طول المده دى بس برضه كل سنه و حضرتك طيب لأنى حاسس انك بخير و فى مكان احسن من اللى احنا فيه بكتير".
"و عايز اهدى لحضرتك كل حاجه بعملها سواء انتاج او تمثيل او اى حاجه كويسه ممكن اعملها و تبسطك و اى خير بعمله او بحاول انى اعمله زى ما حضرتك علمتنى و السنادى بهدى حضرتك صيامى و كل ركعه و كل حرف هقرأه من المصحف الشريف اللى حضرتك ماكنتش بتسيبه، ربنا يتقبل منى و يقدرنى و ابقى ربعك فى اى حاجه".
رمضان كريم كل سنه و حضراتكم جميعا بالف صحه و سلامه و خير و ربنا يريح قلوبكم و يشفى كل مريض و يرجع كل بعيد و يصبر اى واحد موجوع و يهون علينا جميعا يا رب بحق الشهر الفضيل.
(اسألكم الفاتحه و الدعاء لأبويا و لأمواتنا جميعا)
اقرأ أيضا
محمد محمود عبد العزيز ينعي رحيل مظهر أبو النجا