مخرج "القرد بيتكلم": عمرو واكد وأحمد الفيشاوي ممثلين مجانين

مي جودة | فى سينما وتلفزيون

واكد والفيشاوي

الاثنين , 9 يناير 2017 - 21:18 | اخر تحديث: الاثنين , 9 يناير 2017 - 21:20

اعترف المخرج بيتر ميمي أن أعماله الفنية المقبلة هي أعمال مستوحاة من أعمال أجنبية، وهما فيلم "القرد بيتكلم" ومسلسل "الأب الروحي".

وأكد بيتر ميمي أن خطوة اقتباس أعمال فنية من أخرى عالمية أمر صعب وجنوني بعض الشيء، وذلك حسبما كتب عبر حسابه بموقع Facebook: "يعنى تفتكرو لما الشركة كلمتنا أنا وهاني سرحان أننا نعمل مسلسل مستوحى من (الأب الروحي) مخوفناش ؟!! لا طبعا أترعبنا بس كنا واثقين في ربنا واتفقنا نعمل اللي علينا علشان الفرق بينا وبين الناس بتاعت بره أنهم مبيخفوش".

وأضاف: "هم قرروا يعمل ناس بتطير في سوبر مان و باتمان، واحنا صدقنا، قرروا يعملو أشباح وزومبي، واحنا صدقنا، قرروا (يأمريكوا) فيلم (السمواري السبعة) و عملوا (العظماء السبعة)، وبعدين في الهند قرروا (يهندوا) بأميتاب باتشان، وبعدين احنا قررنا (نمصره) بـ (شمس الزناتي) ومحدش خاف، والكل نجح".

وتابع: "أما (القرد بيتكلم) طبعا فيه من روح NYSM وDhoom3 وPrestige بس مش هم طبعااااااا زى، ما (اسكندرية ليه) فيه من (روما) فيلينى و زى ما (الامبراطور) فيه من scarface و زى ما (سلام يا صاحبي) فيه من Borsalino ,,, بس مش هم طبعا !!!

واختتم كاتبا: "احنا قررنا منخافش و نعمل حاجات مختلفة عن كل حاجه حصلت و شكرا إن فيه شركات إنتاج قررت متخافش إن كانت شركة (فنون مصر) اللي قررت تاخد حمل مسلسل باسم (الأب الروحي)، أو شركة (مقام سيف عريبي) اللي قرر يعمل أكتر فيلم مجنون في الكوكب (القرد بيتكلم) و بطولة أكتر اتنين ممثلين مجانين (واكد وفيشاوى) ،،،السباق ابتدى، واحنا قررنا نخلع الجزم و نجري و مش فارق معانا يقولو الحقو دول جاريين حافيين !".

ومن المقرر أن يُعرض فيلم "القرد بيتكلم" في دور السينما في 25 يناير الجاري، أما مسلسل "الأب الروحي" فخلال أيام عبر شاشة dmc.

اقرأ أيضا

بالصور- تسجيل موسيقى فيلم "القرد بيتكلم" على طريقة الأفلام العالمية

خاص- "القرد بيتكلم" ينافس "أخر ديك في مصر" في هذا الموعد