رامي رضوان ينضم لـ راديو "90 90"

مي فهمي | فى سينما وتلفزيون

حسام عصام ورامي رضوان

الثلاثاء , 22 نوفمبر 2016 - 13:11 | اخر تحديث: الثلاثاء , 22 نوفمبر 2016 - 13:11

أعلن الإذاعى طارق أبو السعود المدير التنفيذى للراديو "9090"، عن إنتهاء الراديو من وضع الخريطة البرامجية الجديدة للعام 2017، حيث تحمل العديد من المفاجاة من حيث المضمون والشكل.

وأعلن أبو السعود عن التعاقد مع الإعلامى رامى رضوان لينضم الى فريق عمل الاذاعة، حيث سيقوم بتقديم برنامج جديد بداية عام 2017.

من ناحية أخرى أعلن الإذاعي حسام عصام عن إنضمامه لأسرة راديو "90 90" أيضاً، وكتب عبر حسابه الرسمي على موقع التواصل الاجتماعي الشهير Facebbok :"الحمد لله والشكر لله، الحمد لله حتى يبلغ الحمد منتهاه، تعاقدت اليوم مع الإذاعة رقم واحد في مصر والوطن العربي، الراديو 9090 ومجموعة D media الإعلامية، مش قادر اقولكم انا الحمد لله فرحان قد إيه بالخطوة دي اللي بحلم بيها من 3 سنين، عايز اشكر ربنا سبحانة وتعالى علي النعمة الكبيرة دي، وعايز اشكر امي اللي مرت معايا الفترة اللي فاتت بمحنة وامتحان كبير من ربنا وكانت سنداني ومقوياني، عايز أشكر جدا إدارة الراديو 9090 علي ثقتها فيا وبشكر اخويا الكبير وصديقي الأستاذ طارق أبو السعود اللي عملني وعلم جيلي يعني ايه إذاعة، وعايز أشكر جدا اخويا وصديقي الإعلامي أحمد يونس علي وقفتة جمبي الفترة اللي فاتت ربنا ميحرمنيش منك يا حبيبي، وعايز أشكر كتير قوي قوي قوي قوي كل حد من مستمعيني وصحابي وأهلي اللي كانوا دائما في ظهري و واقفين جمبي وبيشجعوني ويسألوا عليا ويأكدوا ان ربنا هيكرمني بالأحسن والحمد لله ربنا كرمني واستجاب دعائهم ودعاء امي ودعائي وبقيت واحد من مذيعين الراديو 9090، ربنا يخليكم ليا وميحرمنيش منكم ابدا يارب، وعمري ما هنسي وقفتكم جمبي، وان شاء الله هكون معاكم من اول السنة الجديدة بإذن الله 1/1/2017 وقريب جدا هقولكم علي تفاصيل البرنامج ومعادة ان شاء الله
الراديو 9090 هواها مصري".

حسام عصام رامي رضوا ن