في حوار لم يكتمل لأحمد حلمي مع يوم جديد: لماذا ساعات الحزن أكثر؟

محرر FilFan | فى حياة المشاهير

أحمد حلمي

الأحد , 6 نوفمبر 2016 - 14:04

فاجئ أحمد حلمي جمهوره منذ قليل بفعل غريب، حيث نشر صورة جديدة له عبر حسابه الشخصي على موقع الصور الشهير Instagram وتحدث خلال الصورة ليومه الذي يمر سريعا دون ان يلحق أن ينتهي مما يريد فعله.

حوار أحمد حلمي التخيلي مع يومه لم ينته حيث انصرف الأخير قبل انتهاء الحوار، رافضا توجيه اللوم له على ما يحيط بالإنسان من آلم، وأن عمر الفرحة قصير، وأن الزمن يمر سريعا إلا على لحظات الجرح والحزن.

حلمي كتب تعليقا على صورته متخليا حوارا بينه وبين يومه: "يوم جديد تصحى الصبح تلاقي نفسك واقف قدام يومك الجديد وبتكلمه وتقوله عندي مشواير ومواعيد كتير يا ترى هالحق اعمل فيك ايه؟ بقولك ايه يا يوم .. ما بلاش تعدي النهاردة بسرعة زي كل يوم خليك انت مختلف عن اخواتك الايام".

وتابع حلمي: "رد عليا بغلاسة لا هاعدي
- مممم .. طب هدي شوية وانت بتعدي ابوس ايدك ده انا عندي مشواير كتير
- انا مالي .. انت وسرعتك وبقي ..
- طب ارجوك تعالي علي العصر كده وريح شويه..
– لا ترجوني ولا ارجوك .. انسي .. حاسب شويه كده بقي علشان عايز اعدي ..
- استني بس .. هو انت بتعمل معايا كده ليه .. اشمعني انا .. ده انا بشوفك مع الناس اللي علي القهوة بتعدي في تلات تيام .. وبشوفك واقف بتتفرج علي وجع العيان ومش عايز تتحرك ولا فارق معاه آلمه .. وبشوفك مع النايم نايم جنبه وكانك مش عايزه يصحي .. و بشوفك وسط المدافن قاعد ومتبت وسط اهل الميت ومش عايز تمر وكانك شمتان فيهم وفي ميتهم .. وبشوفك مع المكسور من حبيبته والموجوع في قلبه مبتتحركش وكأنك فرحان بوجعه وكسرة قلبه .. انت ليه مع كل واحد موجوع بيقول امتي اليوم ده يعدي مبتعديش .. ومع كل واحد سعيد بتعدي في لمح البصر .. ليه في الموت و الحزن والهم والغم بطئ وفي الحياه و السعاده والفرح بتعدي في لمح البصر .. ليه بتعمل معايا كده يايوم يا أخي .. ؟؟؟

بص لي و قال لي .. ياااا أخي !!!!!! هو انا يوم ندل يا أخي .. يوم مؤذي .. يوم بيحب الكسل والهم والغم والوجع اكتر من الشغل والفرح والسعادة .. وطول ما انت فاهم ان انا اللي كده يبقي عمر يومك ما هايعدي ..
وسابني ومشي بعد ما عدا ساعتين منه .. و انا لسه واقف مكاني .. ومازلت".

يوم جديد .. تصحي الصبح تلاقي نفسك واقف قدام يومك الجديد و بتكلمه وتقوله .. عندي مشواير و مواعيد كتير .. ياتري هالحق اعمل فيك ايه ؟ بقولك ايه يايوم .. مابلاش تعدي النهارده بسرعه زي كل يوم .. خليك انت مختلف عن اخواتك الايام .. - رد عليا بغلاسه . لا هاعدي - مممم .. طب هدي شويه وانت بتعدي ابوس ايدك ده انا عندي مشواير كتير.. - انا مالي .. انت وسرعتك وبقي .. - طب ارجوك تعالي علي العصر كده وريح شويه .. - لاترجوني ولا ارجوك .. انسي .. حاسب شويه كده بقي علشان عايز اعدي .. - استني بس .. هو انت بتعمل معايا كده ليه .. اشمعني انا .. ده انا بشوفك مع الناس اللي علي القهوه بتعدي في تلات تيام .. وبشوفك واقف بتتفرج علي وجع العيان ومش عايز تتحرك ولافارق معاه آلمه .. وبشوفك مع النايم نايم جنبه وكانك مش عايزه يصحي .. و بشوفك وسط المدافن قاعد ومتبت وسط اهل الميت ومش عايز تمر وكانك شمتان فيهم وفي ميتهم .. وبشوفك مع المكسور من حبيبته والموجوع في قلبه مبتتحركش وكأنك فرحان بوجعه وكسرة قلبه .. انت ليه مع كل واحد موجوع بيقول امتي اليوم ده يعدي مبتعديش .. ومع كل واحد سعيد بتعدي في لمح البصر .. ليه في الموت و الحزن والهم والغم بطئ وفي الحياه و السعاده والفرح بتعدي في لمح البصر .. ليه بتعمل معايا كده يايوم يا أخي .. ؟؟؟ - بصلي و قالي .. ياااا أخي !!!!!! هو انا يوم ندل يا أخي .. يوم مؤذي .. يوم بيحب الكسل و الهم والغم والوجع اكتر من الشغل و الفرح والسعاده .. وطول ما انت فاهم ان انا اللي كده يبقي عمر يومك ماهايعدي .. و سابني ومشي بعد ما عدا ساعتين منه .. و انا لسه واقف مكاني .. ومازلت ..

A photo posted by Ahmed Helmy (@ahmedhelmy) on Nov 6, 2016 at 2:21am PST