منة فضالي عن صورها القديمة: أنا اتظلمت.. ولهذا السبب أساند أحمد عز في قضيته مع زينة

نهال ناصر | فى حياة المشاهير

منة فضالي

الأربعاء , 17 أغسطس 2016 - 12:08 | اخر تحديث: الأربعاء , 17 أغسطس 2016 - 12:08

وجهت الممثلة منة فضالي رسالة عتاب إلى جمهورها، خاصة ممن يدخلون على صفحاتها في مواقع التواصل الإجتماعي ويقومون بانتقادها وسبها بسبب صور سابقة لها أو أفلام شاركت بها، أو حتى بسبب موقفها الداعم للممثل أحمد عز في قضيته مع الممثلة زينة.

وعبر صفحتها الرسمية في موقع التواصل الإجتماعي Facebook، كتبت منة بنفسها رسالتها وتواصلت مع الجمهور بنفسها وليس مساعديها الذين يديرون معها الصفحة، وكتبت:

"مساء الخير عليكم
انا منه اللي بكتب دلوقتي وكنت عاوزه اسأل ليه بتهجموني ليه بتغلطو فيا و بتشتمو ليه عملتلكم ايه علشان الاهانات دي كلها انا مش بجبركم علي أنكم تحبوني او تتقبلوني لان دي حريه شخصيه و ممكن ببساطه متدخلوش صفحتي مدام مش حبني بس مفتكرش ان في اي استفاده من الغلط ".

وتابعت لتؤكد أن كل من غضب منها بسبب صورة أو مشهد شاركت فيه في السابق فهو لديه الحق وأكدت أنها تغيرت ولن تنشر صور أو تفعل أفعال تخسر بها جمهورها مجددا:

"كمان عاوزه أقول حاجه لو حد منكم واخد موقف مني بسبب صور ليا زمان ف أكيد عندكم حق بس انا مش كده و اتكلمت في الموضوع ده كتير اوي و أكيد لو انا كده مش حيكون للنشر لان بكده بخسر كل حاجه و صدقوني انا اتظلمت والله اللي عايز يصدق يصدق و مش بقول كده علشان حاجه بلعكس انا خسرت حاجات كتير اوي بس صدقوني مش عيب الانسان يغلط و يتعلم من غلطه بدليل أني عمري ما عملت فيلم او مسلسل لبسه في لَبْس وحش او عملت مشاهد اغراء".

وتطرقت منة إلى دعمها لصديقها الممثل أحمد عز خاصة أنها دائما ما تخرج وتؤكد وقوفها إلى جانبه، وأوضحت أنها تفعل ذلك لأنها صديقة له وتعرفة جيدا وأنها حرة في أن تقف مع من ضد من، كما يختار كل شخص مع من يقف:

"حاجه اخيره اللي واخد موقف مني وبيشتموني علشان وقوفي جنب احمد عز فا بقولكم ليه علشان ايه واخدين موقف انا حره زي ما اي حد حر و انا دافعت عنه لأَنِّي اعرفه كويس مش اكتر وبعتبره صديق وأخ زي ما انتم بتحبو زينه ومن حقكم تدفعو عنها لان في حاجه اسمها حريه الرأي ".

واختتمت رسالتها بأنها انشأت هذه الصفحة ليتفاعل معها الجمهور ويشجعها وليس لانتقادها ومهاجمتها، وشكرت كل من يساندها من جمهورها:

"انا عامله الصفحه دي علشانكم انتم علشان تعرفو اخباري وتتفعلو معايا وتشجعوني مش علشان تهاجموني انا ممكن أقفل الصفحه لو انا مدائكم و اوفر عليكم الغلط فيا .

اهلًا بيكم و اسفه أني طولت عليكم و اشكر كل الناس اللي واقفه جنبي و بتشجعني و أشكر برضه اللي بيغلطو و متمناش ان حد في يوم حد يغلط في حد من أهله أشكركم من كل قلبي".

طالع أيضا:

شيماء سيف: عرفت اسم من خرجت شائعات "نفسنة" واقول لها: "اشحني الباقة واتفرجي على الحاجات اللي بتحبيها"

التفاصيل الكاملة لمذيعتي "نفسنة".. هيدي كرم: الحديث عن خلافاتي مع شيماء سيف "قلة أدب".. وهذه هي الحقيقة
شيماء سيف تتحدث للمرة الأولى عن تركها لبرنامج "نفسنة" وشجارها مع هيدي كرم