إسلام زكي يشكك في نوايا مصممي لعبة Pokemon Go

مي جودة | فى حياة المشاهير

إسلام زكي

الأربعاء , 13 يوليو 2016 - 00:11 | اخر تحديث: الأربعاء , 13 يوليو 2016 - 01:35

انتشار لعبة Pokemon Go حول العالم قابله عدد من المصريين بالتشكيك في نوايا مصممي اللعبة وأنها بغرض التجسس.

وكتب الملحن إسلام زكي عبر حسابه بموقع Facebook محذرا من انتشار اللعبة: "أنا مش مقتنع غير إن لعبة بوكيمون دي لعبة هدفها حاجات تانية تماما غير إن هي تكون لعبة".

وتابع: "أولا أول ما بتنزلها بتوافق إنها تتحكم في الكاميرا والميكروفون وكمان الـ GPS وإدارة ملفات الجهاز كمان من صور وفيديوهات وأنت و حظك بقى، انتم عارفين الكام يوم اللي لعبتوهم دول اتجمع بيهم كم معلومات وصور وأماكن قد اية؟؟".

وأضاف: "اللعبة بتجبرك إنك تدخل أماكن مش طبيعي إنك تكون موجود فيها وتجبرك إنك تدور أو تصور بالكاميرا في المكان كله على أساس إنك بتدور على بوكيمون، و كل دا بيتسجل صوت وصورة و GPS Location كمان".

واستطرد شارحا: "يعني مش محتاجين جواسيس خلاص اللعبة دي تقوم بالواجب و زيادة كمان والله، لو عايز يشوف مكان هيبعتك ليه و يخليك تصوره حتة حتة!! دي حاجة مرعبة يا جماعة، مارك اللي عامل الفيس بوك نفسه مغطي على طول الكاميرا و فاتحة المايك اللي في اللابتوب و الموبايل الشخصي بتاعه عشان عارف تماما ايه اللي مممكن يحصل، اللعبة دي وراها سر و مش طبيعي كمان".

واستكمل: "احنا كنا بنخاف ننزل برامج زي دي، ونقول للناس خلو بالكم دلوقتي بقى عشان تلعب لازم تبقى فاتح كل حاجة على البحري، الكلام ممكن يكون ـوفر لناس وجو افلام، بس في ناس تانية هتشوف الكلام وهي فاهمة كويس جدا إن اللي انا بقوله دة ولا حاجة جنب الحقيقة اللي ممكن تكون بتحصل و الله اعلم".

اقرا أيضا:

لعبة Pokemon Go - جلبت أبطال المسلسل للواقع..تعرف على كافة التفاصيل التي تخصها