هنا شيحة وشريف رمزي تعليقا على ضريبة التعليم الدولي: "عبث العبث.. وخلينا ساكتين"

هنا شيحة وشريف رمزي تعليقا على ضريبة التعليم الدولي: "عبث العبث.. وخلينا ساكتين"

نهال ناصر | في الأخبار، تاريخ النشر: الخميس ، 17 مارس 2016 - 12:12 | آخر تحديث: الخميس ، 17 مارس 2016 - 12:12
هنا شيحة وشريف رمزي هنا شيحة وشريف رمزي
علق كل من الفنان شريف رمزي والفنانة هنا شيحة على مشروع القانون المقدم من وزارة المالية لمجلس النواب لفرض ضريبة إضافية على التعليم الدولي.

وكتب شريف رمزي عبر حسابه الشخصي في موقع Facebook، واصفا هذا القرار بـ"عبث العبث": "أنا نادر جدا لما بكتب اي حاجة علي الفيس بوك و بحب احتفظ بآرائي لنفسي او لحياتي الخاصة لكن سمعت ان الدولة عايزة تفرض ضريبة علي التعليم الأجنبي او الخاص و ده لو حقيقي يبقي احنا كده فعلا في عبث العبث".

وتابع قائلا إن الطبقة المقتدرة في مصر وبسبب السياسات الضريبية ستصبح قريبا غير مقتدرة بل ستنفجر: "و أحب أقول ان الطبقة المقتدرة الوحيدة اللي موقفة البلد علي رجليها لحد دلوقتي من كتر ما البلد عمالة تحلب فيها ضرائب و رسوم وبلاوي زرقاء مبقتش مقتدرة و قريب جدا حتنفجر".

انا نادر جدا لما بكتب اي حاجة علي الفيس بوك و بحب احتفظ بآرائي لنفسي او لحياتي الخاصة لكن سمعت ان الدولة عايزة تفرض ضريب...

Posted by Sherif Ramzy on Wednesday, March 16, 2016


أما الفنانة هنا شيحة فكتبت هي الأخرى عبر حسابها الشخصي في Facebook لتعلق على الخبر خصوصا وأن أولادها يتلقون التعليم في المدارس الدولية، وتسألت هنا عن الخدمات التي يدفع المواطن ضرائب لكي يحصل عليها: "ضريبة ايه .. علي التعليم ؟؟؟ التعليم الدولي !!! انترناشونال يعني !؟ ماهو لو تعليم محلي محترم كنّا دخلنا فيه ولادنا !! احنا مجبرين علي الدولي !!! وبعدين ضريبة بقي علي ايه ؟؟!، مصاريف المدارس !!! اه ه ه ه، علي أساس ان مصاريف المدارس بتتحسب ضمن المصاريف المقدمة للضرائب ؟؟!!"

وتابعت:" ولامصاريف الأولاد ولاالعلاج ولا ايجار البيت ولا اقساط العربيه ولا الاكل والشرب الا ما يخص العمل الفني (علشان انا ممثلة) !!!!
بس لازم ندفع ضرائب علي الدخل السنوي اللي خلص قبل ما ييجي علي كل دول بس مصلحة الضرايب ملهاش فيه ..
طب عايزة تحطي ضريبة علي المدارس اللي احنا بندفعها والي إنتي مش معترفه بيها كجزء من دخلنا ليه ؟
وبعدين فين الخدمات اللي بندفع ضرائب علشان ناخدها ؟
فين التأمين الصحي المحترم ؟
فين التعليم الجيد ؟
فين الشوارع اللي مش مكسرة ؟
خلونا ساكتين."

ضريبة ايه .. علي التعليم ؟؟؟ التعليم الدولي !!! انترناشونال يعني !؟ماهو لو تعليم محلي محترم كنّا دخلنا فيه ولادنا...

Posted by Hana Shiha on Wednesday, March 16, 2016


وكان رئيس مصلحة الضرائب، السيد عبد المنعم مطر، أعلن عن إخضاع خدمات التعليم الدولى لضريبة القيمة المضافة الجديد، ضمن مشروع القانون المقدم من وزارة المالية لمجلس النواب.

comments powered by Disqus

2004-2015 © FilFan.com يتم تطويره وإدارته بواسطة

clicking on ".search-btn" adds class "open" on "#search-overlay" clicking on ".close, .confirm" removes class "open" on "#search-overlay" clicking on ".social-btn" adds class "open" on "#social-overlay" clicking on ".close" removes class "open" on "#social-overlay"