باسم يوسف: الداخلية بتلم رزقها عشان السجن الجديد

نهال ناصر | فى حياة المشاهير

باسم يوسف

الجمعة , 15 يناير 2016 - 17:01 | اخر تحديث: الجمعة , 15 يناير 2016 - 21:01

في عدة نقاط هاجم الإعلامي الساخر باسم يوسف الدولة المصرية وطريقة تعاملها مع الشباب سواء بالحبس أو بالمنع من السفر أو ما يتعرضون له.

وكتب باسم عبر حسابه الشخصي في موقع التغريدات القصيرة Twitter بعض النقاط التي يجدها سبب كافي في جعله لا يفكر في العودة إلى أرض الوطن في الوقت الراهن، فعدد باسم الأشخاص الذين تعرضوا للحبس أو للمنع من السفر، فقال:

1.النهاردة اوبن بوفيه: في يوم واحد حصل الآتي: منع الشاعر عمر حاذق من السفر لاستلام جائزة دولية والتحفظ على جواز سفره..يتبع

1. النهاردة اوبن بوفيه: في يوم واحد حصل الاتي: منع الشاعر عمر حاذق من السفر لاستلام جائزة دولية و التحفظ على جواز سفره ...يتبع

— Dr Bassem Youssef (@DrBassemYoussef) January 14, 2016

2. القبض على الطبيب طاهر مختار وزمايله من بيوتهم وهو عضو لجنة الحقوق والحريات بنقابة الأطباء.

2 القبض على الطبيب طاهر مختار وزمايله من بيوتهم و هو عضو لجنة الحقوق و الحريات بنقابة الاطباء

— Dr Bassem Youssef (@DrBassemYoussef) January 14, 2016

3.القبض على الناشط العمالي سعيد شحاته لاعتراضه على خصخصة شركة بوليفار للغزل والنسيج.

3 القبض على الناشط العمالي سعيد شحاتة لاعترضه على خصخصة شركة بوليفار للغزل و النسيج

— Dr Bassem Youssef (@DrBassemYoussef) January 14, 2016

4.التهجم على مقر الموقع الإلكتروني "مصر العربية" واحتجاز مديرها الإداري تحت دعوى "المصنفات"

4التهجم على مقر الموقع الاكتروني :"مصر العربية" و احتجاز مديرها الاداري تحت دعوى "المصنفات"

— Dr Bassem Youssef (@DrBassemYoussef) January 14, 2016

وبعد أن طرحه عن الأشخاص الذين تعرضوا لكل هذه الأحداث، علق بطريقة ساخرة على قرار إنشاء سجن جديد فقال "واضح أن القرار الجمهوري بإنشاء سجن جديد على مساحة 100 فدان ماكانش عامل حسابه في المساجين، فأجهزة الأمن نازلة تلم رزقها".

5واضح ان القرار الجمهوري بانشاء سجن جديد على مساحة 100 قدان ماكانش عامل حسابه في المساجين ،فاجهزة الامن نازلة تلم رزقها

— Dr Bassem Youssef (@DrBassemYoussef) January 14, 2016

اقرأ أيضا

٦ إجابات لباسم يوسف في "المتاهة" يرجح أنه تم حذف جزء منها.. شاهدها واحكم بنفسك

واختتم كلامه ليرد على كل من يطالبه بالعودة إلى مصر، فمن المعروف أن باسم ترك مصر منذ توقف برنامج "البرنامج" بعد ما لاحقه من قضايا ومشكلات، فقال ردا على الجميع "وبعدين يطلعلك حد فلحوص يقولك ما ترجع البلد، مافيش حاجة عليك.البلد مش محتاجة سبب لحبسك أو منعك من السفر. عاش احتواء الشباب.

و بعدين يطلعلك خد فلحوص يقولك ما ترجع البلد، مافيش حاجة عليك. البلد مش محتاجة سبب لحبسك او منعك من السفر. عاش احتواء الشباب

— Dr Bassem Youssef (@DrBassemYoussef) January 14, 2016

وكان باسم وجه شكره لفريق الدفاع الذي تولى قضيته والتي صدر الحكم فيها لصالحه ببطلان حكم التحكيم الصادر ضد الإعلامي باسم يوسف بدفع مبلغ ١٠٠ مليون جنيه بالتساوي مع شركة "كيوسوفت" المنتجة لـ "البرنامج"، إلى شركة "المستقبل" المالكة لقناة CBC التليفزيونية.

ونشر باسم عبر حسابه الشخصي Instagram صورة لحيثيات الحكم، ووجه شكره لكل فريق الدفاع .

زي ما كتير منكم تابعوا والصحافة نشرت السنة اللي فاتت صدر حكم تحكيم تجاري ضدي وضد كيوسوفت للبرمجيات يلزمني أنا شخصيا بتعويض٥٠ مليون جنيه و٥٠ مليون تانية لو الشركة عجزت عن تسديد ما عليها من تعويض، وكتير منكم برضه مشكورين باركوا لي علي حكم بطلان حكم التحكيم اللي صدر الاسبوع اللي فات. ولكن اللي كتير من الناس ميعرفهوش أن خلال السنة دي تم بذل مجهود غير عادي من فريق دفاع مصري محترف أغلبه من الشباب اللي فضل شغال بالرغم من توقعات ناس كتير من أساتذة قانون وغيرهم أن الموضوع منتهي. وعشان كده كان لازم قبل مالقضية دي تتقفل وتتنسي أني أشكر كل واحد اشتغل علي القضية دي من أكبر أستاذ لأصغر محامي وبالأخص د. فتحي والي ود. محمد صلاح عبد الوهاب واستاذ حازم رزقانة ود. اسماعيل سليم واستاذ عبد الله الشهابي، وأخيرا وليس آخراً أكيد استاذ هشام فودة مدير فريق الدفاع. شكراً لكل واحد فيكم وانا واثق ان القضية دي هتفضل يتضرب بيها المثل كواحدة من أغرب قضايا التحكيم في التاريخ المصري. ازاي قناة منعت برنامج و عملت بيانات علنية ضد المذيع و الشركة المنتجة و منعت عرض الحلقة المتسلمة و شوهت سمعتنا و بعدين حكم تحكيم يديهم ١٠٠ مليون جنيه و يبقى المذيع هو المسئول عن سدادهم، وعشان افكركم، دي فقرة من حيثيات الحكم، اللي المفروض يبقى في قضية تحكيم تجاري. يعني فلوس و و بنود عقد؛ مش الكلام الحنجوري اللي مكتوب ده. و اللي على فكرة بيوحي ان بتوع برة تنفع معاهم البرامج دي بس بتوع جوة كخة و فاقدين أهلية. حيثيات راي سياسي بامتياز مش حكم تحكيم.

A photo posted by Dr Bassem Youssef (@dr.bassemyoussef) on Jan 13, 2016 at 10:40pm PST