أعلن الإعلامي عمرو أديب أخيرا عن تصالحه مع الصحفي خالد صلاح، بعد الحرب الكلامية التي وقعت بينهما على الهواء مباشرة.
وغرّد أديب عبر حسابه على Twitter الخميس 26 نوفمبر الجاري: "تم التصالح بيني وبين صديقي خالد صلاح كان شيطان وراح ولا مكان للذين يصطادون في الماء العكر وتحيا مصر".
تم التصالح بيني وبين صديقي خالد صلاح كان شيطان وراح ولا مكان للذين يصطادون في الماء العكر وتحيا مصر
— Amr adib (@Amradib) November 26, 2015
وكانت حرب كلامية اشتعلت بين عمرو أديب وخالد صالح في حلقة الثلاثاء 24 نوفمبر الجاري من برنامج "القاهرة اليوم"، بسبب مقال نشره صلاح في صحيفة "اليوم السابع"، والذي ينتقد فيه التقصير الأمني في حادث تفجير فندق العريش.
وفي مداخلة هاتفية بين أديب وصلاح ببرنامج "القاهرة اليوم"، بدأ مقدم البرنامج انفعاله قائلا: "اللي ميشوفش يبقى أعمى القلب مش العنين، أنت مبتشوفش يا خالد؟ حرام عليك يا راجل، يا أخي نخلي عندنا دم، البلد مش مستحملة خالص، ماتكبروا بقى يا جماعة، البلد مش مستحملة، هو في أكتر من كده، نعمل إيه يا أخي، حتى الموقع بتاعك معندهمش مسئوولية وحطين لك صورة وإنت بتضحك، فين المهنية، بلاش حتى يا أخي في يومها تهاجم".
شاهد بالفيديو- وصلات "الردح الإعلامي": "ما عدوك إلا ابن كارك"
فرد صلاح: "إنت مش واخد البرنامج لحسابك وأنا من حقي أرد ومتزايدش عليا في الوطنية، لازم نواجه أخطاءنا، ولو كل واحد فينا مسك للتاني مش هنخلص، وفرنسا تم انتقاد الأمن فيها بعد واقعة هجمات باريس، أنا من حقي أرد قانونيا ومهنينا، والمفروض الاحتياطات الأمنية تكون أقوى من كده".
فاستكمل أديب: "أنت بتفهم حاجة في المهنية"، ليرد عليه صلاح: "لا كده مش هقبل كلامك وهفهمك غلط، ومفروض التدابير الأمنية كانت تبقى أكتر من كده على الفندق اللي حدث فيه التفجير".
واستطرد أديب بانفعال: "مش عارف أنت ازاي رئيس تحرير ، ياعم روح شوف موقعك بقى عامل إزاي"، ورد خالد صلاح: "ده تجاوز وخروج على الأدب وغير مقبول"، ليعقب عليه أديب: "قلة أدب تقبلها ولا متقبلهاش بلا قرف، تعبنا منكم البلد مش ناقصة ومتخلناش نتكلم عن علاقتك بخيرت الشاطر". (شاهد بالفيديو- اشتباك وتراشق بالألفاظ بين عمرو أديب وخالد صلاح على الهواء)