محدث- أيمن بهجت قمر لرحيم: "أنت مش ملحن جامد".. ورحيم يرفض الرد عليه

محمد عاشور | فى حياة المشاهير

أيمن بهجت قمر ومحمد رحيم

الأحد , 8 نوفمبر 2015 - 22:11 | اخر تحديث: الاثنين , 9 نوفمبر 2015 - 21:11

حالة من التوتر حدثت بين الشاعر الغنائي والسيناريست أيمن بهجت قمر، والملحن والفنان محمد رحيم، دفعت الأول لمهاجمة الأخير على أحد مواقع التواصل الاجتماعي.

وشهد موقع التواصل الاجتماعي Facebook مساء السبت 7 نوفمبر، هجوم من أيمن بهجت قمر على محمد رحيم عبر حسابه الشخصي.

وبدأ الخلاف بعدما نشر الملحن والمغني الشاب شريف بدر عبر حسابه على Facebook إنه تلقى نقدا قاسيا وصل لحد السب من قبل محمد رحيم، بسبب ما قاله الأول عن أن الساحة الفنية تشهد تراجع في مستوى التلحين، وهو ما رفضه رحيم، وهاجم شريف بدر في مكالمة تليفونية نشر تفاصيلها شريف بدر.

وهذا الموقف دفع الشاعر أيمن بهجت قمر لمهاجمة رحيم على الملأ، معلنا رفضه ما قام به رحيم، وأنه سيتصدى له هذه المرة.

وكتب أيمن بهجت قمر: "وبعدين يا رحيم! مرة عمرو مصطفى ومرة وليد سعد ومرة الملحن الشاب شريف بدر! هو أنت مالك يا رحيم؟ من بعد أغنية مشاعر وانتخابات الجمعية اللي ترشحت فيها ولم توفق وأنت لا تفعل شيء غير خناقات مع شيرين ونانسي ونازل تنظير في زملائك الملحنين، وطول الوقت شايف نفسك أحسن ملحن في مصر وانك السورس، اللي بيقول على نفسه جامد بيبقى مش جامد ولا حاجة أو عايز يخلي الناس تفضل تاخد بالها انه جامد وبيفكرها انه جامد".

واستكمل: "طب والله العظيم يا رحيم أنت مش أحسن ملحن ولا حاجه والله العظيم بقالك فترة مش مركز وخفيف وأنا عن نفسي عمري ما ركزت معاك ولو كنت شايف انك أجمد واحد فعلا كنت اشتغلت اكتر معاك".

وتابع: "أنا يمكن مارضيتش أتكلم ساعة عمرو ووليد عشان هما يقدروا يردوا وعندهم اللي يرد، بجد عيب عليك تصغر نفسك كل شوية وبصراحة أخلاق شريف كبرته في نظرنا كلنا وشكرا".

ومن جانبه تجنب محمد رحيم الرد على أيمن بهجت قمر، ولم يشر له في أي تنويه من خلال حسابه الشخصي، أو من خلال حسابه الرسمي على موقع التواصل الاجتماعي Facebook، وقرر أن يحتفل مع متابعيه بأعماله التي نفذها طوال عام 2015.

واستعرض رحيم من خلال تنويه نشره لمتابعيه أعماله الفنية التي طرحها مؤخرا، والتي كتب كلماتها بنفسه إلى جانب تلحينها، ليؤكد أن كتابة الأغاني ليست بالعمل الصعب، خاصة وأنه هذا العام قدم أعمال متنوع من كلماته وألحانه، وعدد أخر من ألحانه وتوزيعه، وأيضا تجربة شاملة في التأليف والتلحين والتوزيع في عمل واحد.

كما أشاد محمد رحيم بعدد من الشعراء الذين تعاون معهم هذا العام، وبأعمال شعراء آخرين لم يتعاون معهم، وتجنب ذكر اسم أيمن بهجت قمر.

وكتب رحيم: "سوري يا جماعة والله الحمد لله أنا عارف من زمان أن أنا بلحن كويس خلاص دي عرفناها بس أنا فعلا فجأة والله من غير ما أقصد اكتشفت أني في الفترة القليلة اللي فاتت كتبت لنجوم مهمين أوي زي تامر حسني "رسمي فهمي نظمي" و"زي النهارده" لخالد سليم واليسا "في عيونك" ونوال "صوت الهدوء" وحماقي "ياللي زعلان" وسميرة ‫"سيرة الحب‬" والله من غير ما أقصد واكتشفت أن الحاجات دي عجبت الناس قوي غير إني عامل للهضبة غنوة في الجديد برضه كلماااااتي جنب الهيتايه الرئيسية، إيه ده أنا مكنتش اعرف أن كلماااااتي بتعجب الناس اوي كده والنجوم بيتهافتوا عليها أما يا واد يا مصيلحي دي شغلانة الشاعر دي حلوه جوي جوي دي حاجه سهله خالص خالص ياللا بقا طالما مشيت مع الواحد كده يبقى نكتر منها شويه اهه الواحد يجيب سجايره".

واستكمل: "أما طبعا الأغاني اللي بجد نعملها مع أرباب الشعر هو في ياد يا مصيلحي بعد خالك الأبنودي دا اللي ياد كانوا بيجولوا عليه أنه بيخترع تفعيلات وجوافي ويشتغل من بحور الخليل ابن احمد الفراهيدي اللي أسس عروض الشعر ذات نفسه مكتبهاش في كتبه غير طبعا بجيت الشعراء التانيين اللي كلماتهم عامله زي العسل النحل زي الواد ابن مرزوق والواد محمود ابن صلاح والواد أمير ابن طعيمة والواد على خلاف والواد باسم عادل ومؤمن ومصطفى حسن والغنيمي وحامد وابن منير وابن امين وبهاء الدين ونور الدين ونادر ابن خالك عبدالله وأخوك ابو رفاعي وابن عطيه والصغير والله وخايف لننسى حد والله ناس زي الألماس ".