أمير طعيمة يعلن عن رأيه في أفلام السبكي

وائل عادل | فى سينما وتلفزيون

الشاعر أمير طعيمة

الأحد , 13 سبتمبر 2015 - 18:09 | اخر تحديث: الاثنين , 14 سبتمبر 2015 - 10:09

انتقد الشاعر الغنائي أمير طعيمة بشدة الأفلام السينمائية المصرية التي تعرض في الأعياد، والتي وصفها بأنها أفسدت صناعة السينما.

وهاجم أمير طعيمة عبر صفحته الرسمية على موقع Facebook فيلم "عيال حريفة" المقرر طرحه في عيد الأضحى المقبل، ويشارك به صافينار وسعد الصغير وفريق "شبيك لبيك" صاحب أغنية المهرجانات الشهيرة "مفيش صاحب يتصاحب".

وفاة أحد أعضاء "شبيك لبيك" صاحب أغنية "مفيش صاحب يتصاحب"

وكتب طعيمة: "طول ما فيه جمهور بيخلي الأفلام دي بتجيب إيرادات، طول ما الأفلام دي هتفضل موجودة "أو الفيلم ده"، لأن هو نفس الفيلم تقريبا بيتعرض كل عيد صغير وعيد كبير بنفس الناس تقريبا مع كل ما يستجد علي الساحة من راقصات أو بتوع مهرجانات".

وأضاف: "الحل في رجوع الطبقة المتوسطة اللي كانوا بيوفروا من مرتباتهم جزء بسيط يروحوا يسمعوا أم كلثوم وعبد الوهاب وعبد الحليم وغيرهم، أو يحضروا مسرح لمدبولي وفؤاد المهندس وغيرهم وكانوا بيضحكوا برضه ويتسلوا".

وتابع: "منه لله كل اللي خلي تركيبة المجتمع المصري تسمح بوجود نوع زي ده من الفن وللأسف ليه مريدين. التعليم ورفع مستوي الطبقة الفقيرة وتقريبها من الطبقة المتوسطة هو الحل".

واختتم: "مبروك لخيري رمضان، العيال اللي فردت لهم وقت في حلقتك، دخلوا وشاركوا في العمل التاريخي ده كنوع من الطرشي والمخللات لفتح شهية ناس مبقوش بيستطعموا الا النوع ده من الأكل، بقيتوا بتكرهونا في العيد". ‬