كيف ربط عمرو سلامة بين تصريحات وزير العدل المقال والأزواج الطامعين في "يارب ولد"؟

FilFan.com | فى حياة المشاهير

المخرج عمرو سلامة

الأربعاء , 13 مايو 2015 - 15:31 | اخر تحديث: الأربعاء , 13 مايو 2015 - 19:50

استشهد المخرج الشاب عمرو سلامة بهذا الحوار الثلاثي في فيلم "يارب ولد" واعتبره ملهمًا له لفهم بعض المواقف السياسية، فعمرو يرى أن الفيلم الذي حوى ذلك "البق" كان من أعظم أفلام السينما المصرية الكوميدية".

ففي مشاركة عبر صفحته الشخصية بـ Facebook، أكد المخرج الشاب أنه يتذكر هذا الحوار كلما خرجت شخصية عامة لتقول كلامًا يبدو مستفزًا للبعض ولكن يردده الجميع في السر وليس في العلن، وقال: "البق دا بفتكره كل مرة شخصية عامة بتقول كلام كلنا بنقوله في السر بس مانقولوش في العلن، وكل ما حد يقوله في العلن يتجلد".

أحمد راتب: ده إنت داخل على طمع بقى.
إكرامي: أمال إنتم الاثنين داخلين على إيه؟
سمير غانم: على طمع بس ما بنقولش.

وتابع قائلًا: "أيام ما كان الواحد مشغول بالسياسة كان كل ما يقعد مع سياسي على انفراد كان يقعد يتكلم على إن الشعب جاهل ومش فاهم الديموقراطية، اللي هو نفس اللي قاله عمر سليمان على الهواء فالناس سلخته، وكل سياسي من دول كان يطلع على التليفزيون يتكلم على وعي الشعب العظيم".

ورأى سلامة أن المشكلة تكمن في قناعاتنا الشعبية التي وصفها بالـ "عطنة والمعفنة اللي كل يوم بنحترف إزاي نداريها وفي الكلام العام نقول عكسها بالظبط".

وعن التوريث قال: "كل مؤسسة في مصر تقريبا فيها توريث، إحنا مش بنعترض على التوريث بشكل حقيقي، بس نسلخ أي حد يعترف بيه على الهواء، وغير التوريث، احنا في مليون كارثة في مجتمعنا ومليون قناعة جماعية مزفتة فاكرين طالما ماتكلمناش فيها إنها مش موجودة".

واختتم عمرو سلامة مشاركته بقوله: "كان عندي أمل كبير إن بعد الإنترنت الوضع يتغير، وكنت مؤمن إن التغيير هيكون سريع، يمكن ده ماحصلش أو بيحصل بشكل أبطأ من إننا نلاحظه، أو يمكن العفن موجود وبيكتر، لكن زي ما العبقري سمير غانم ما قال: "بس إحنا ما بنقولش".