بالفيديو- MTM في أول لقاء تليفزيوني بعد العودة: "أي فرقة قديمة للبيع"

FilFan.com | فى سينما وتلفزيون

فريق MTM

الخميس , 7 مايو 2015 - 17:09 | اخر تحديث: الخميس , 7 مايو 2015 - 19:01

حل أعضاء فريق MTM ضيوفًا على الحلقة الأخيرة من برنامج "ليلة سمر" مع الإعلامية سمر يسري المذاع على قناة MBC مصر.

وكان لـMTM دخول مميز للحلقة، إذ دخل ثلاثتهم استوديو البرنامج حاملين مكبر صوت وقائلين: "أي فرقة قديمة للبيع، أي حاجات قديمة للبيع مايكات اكسسوارات، اصحي يا MBC، MTM راجعين، أسمع صقفة كبيرة".

بعدها قدم الفريق نفسه مرة أخرى وعرفوا الجمهور أسمائهم الحقيقية، مايكي "مايكل"، تاكي "تقي الله"، محمود، وقالوا إن MTM جاءت من مايكي وتاكي ومحمود، أو من جملة مزيكا تلخبط مخك.

وقال محمود عن بدايتهم، والظروف التي صاحبت ظهورهم، "نزلنا ألبوم تليفوني بيرن، وبعدين أغنية سينجل، وللأسف بعد كده حصل مشاكل إنتاجية مقدرناش نتفق فيها مع الشركة، والموضوع انتهى ان احنا قررنا نرجع بعد ما العقد بتاعنا يخلص لإن احنا مقدرناش نعمل حاجة الفترة دي، كان العقد هيخلص في ديسمبر 2010، بعد التاريخ دا الظروف بتاعت البلد مكانتش مساعدة أن احنا نرجع تاني بالشكل بتاعنا، فاحنا استنينا الوقت المناسب اللي نرجع فيه".

وعن رجوعهم بعد 7 سنين غياب، قال تاكي "تقي الله"، إن أزمتهم انتهت بالفعل منذ عام 2011، "لكن اللي حصل جديد إن احنا فوجئنا بالجمهور سخنان أوي على MTM، وبيسألوا انتوا رحتوا فين ولازم ترجعوا، اللي حصل إني كتبت على الإنترنت وقلت أحلى أيام حياتي MTM وحطيت صورة، وبعد كده لقيت الناس بتسألني طب ما ترجعوا يا جماعة، فرديت وقلت المشكلة إن محمود مسافر، فعملوا هاشتاج #إرجع_يا_محمود وبعدها بيومين محمود قرر يرجع".

وعما كانوا يفعلوه أثناء فترة الغياب قال مايكي إنه اتجه لعمل مشروع خاص وافتتح محل للملابس، وبلاي ستيشن، وأضاف: "وبعد كده قلبت المحل كله بلاي ستيشن، وبعدين جالي عرض في شركة تسويق".

٥ تحديات تواجه MTM للعودة مرة أخرى

تاكي قال إنه عمل لفترة في التوزيع الموسيقي لأغنيات "الراب"، وكان يكتب ستاند أب كوميدي، وكنت بشتغل كمؤلف إعلانات، عملت لمطرب راب أمريكي اسمه براين ادواردز، ولمطرب "راب" من استراليا اسمه مات، بينما قال محمود قال إنه سافر الدانمارك، وكان يحرس مرمى فريق درجة ثانية هناك لمدة ثلاث سنوات، إذ أنه يحب كرة القدم عموما.

وعرضت سمر فيديو لمحمود في تمرين فريقه بالدانمارك أحرز خلاله هدفًا وهو حارس مرمى.

وقدم الفريق أغنية حملت عنوان "الليلة ليلة سمر"، بموسيقى على طريقة أغنيات المهرجانات.