غادة عبد الرازق تشن هجوما ضد باسم يوسف بسبب حلقة "البرنامج" الأولى

مي جودة | فى حياة المشاهير

غادة عبد الرازق في الإطلالة التي سخر منها باسم يوسف

السبت , 26 أكتوبر 2013 - 00:33

لم ترضى الممثلة غادة عبد الرازق على محتوى الحلقة الأولى لبرنامج "البرنامج" وبدأت في شن هجوم ضد مقدم البرنامج باسم يوسف.

وكان باسم سخر من إطلالة غادة عبد الرازق في برنامج "أنا والعسل" وهي تحيي الفريق أول عبد الفتاح السيسي وتهنئة بمناسبة عيد مولده وانتمائه لبرج "السرطان"، ولكنها أكدت أن هذا لا يعنيها وما يعنيها تطاوله على الجيش والفريق السيسي.

فكتبت في مجموعة تدوينات قصيرة عبر حسابها بموقع Twitter:

#لباسم يوسف واضح#انك غيران#من الفريق السيسي#لانة سرق منك#المشهد #وقلب المصريين #واضح اوى #اقولك هارد… http://t.co/LQxgxHPNBW

— ghadabdelrazik (@ghadabdelrazik) October 25, 2013

#كان عندنا امل#انك تبقى فاهم#الديمقراطية#بس للاسف #طلعت مش فاهم #حاجة خالص#يا#خسارة كنا بنحبك 😔 http://t.co/7gtl8wbPlT

— ghadabdelrazik (@ghadabdelrazik) October 25, 2013

مش مهم انا المهم الفريق الى نجدنا من الخراب الى كنا عايشين فية هو عمل اية لمصر برنامج للا سف كنت بحبه بس عمرى ماهحبه اكتر من جيشى

— ghadabdelrazik (@ghadabdelrazik) October 25, 2013

لو سكتنا المرة دى المرة الى جايه هيتمسخر على الجيش المصرى يا مصريين يا محترمين الراجل الى وقف فى وش امريكا وعملنا كرامه لاول مره فى تاريخنا

— ghadabdelrazik (@ghadabdelrazik) October 25, 2013

وياترى اوباما دلوقتى بتفرج على الحلقة وبيضحك ولا باسم بيرد الجميل لامريكا علشان الجايزة الى ادوهالو 😔😔😔

— ghadabdelrazik (@ghadabdelrazik) October 25, 2013

#وبعدين عمال تقول دكر دكر #مانت واضح انك معندكش#الكلمة دى فى قموسكو الرجولى#وزعلت انها اتقالت#علية مش… http://t.co/bjDL4lc9hf

— ghadabdelrazik (@ghadabdelrazik) October 25, 2013

طبعا الطابور الخامس ابتدى بالبردعى ودلوقتى باسم يوسف بس ده فى الحلم مصر هى الجيش المصرى يا خونه

— ghadabdelrazik (@ghadabdelrazik) October 25, 2013

دكتور فشل فى مهنته وراح يشتغل مذيع وياخد ملايين اسالوه بياخد كام البيه

— ghadabdelrazik (@ghadabdelrazik) October 25, 2013

برنامج "البرنامج" تم إيقافه في 28 يونيو، وأعلن باسم ذلك بسبب حصول أسرة البرنامج على قسط من الراحة، على أن يعود بعد شهر رمضان، ولكن تأجل ذلك وبعدها توفت والدة مقدم البرنامج الشهير، فتأجلت عودته لتصل إلى 25 أكتوبر.

سخر باسم يوسف في الحلقة الأولى من الموسم الثاني من البرنامج من كل الوجوه الإعلامية المتصدرة المشهد السياسي ومن الفنانين ومن السلطة الحالية المتمثلة في الرئيس المؤقت عدلي منصور ورئيس الوزراء الببلاوي ووزير الدفاع عبد الفتاح السيسي.