جمهور "دياب" بمواقع التواصل الاجتماعي يدافعون عن #شبشب_عمرو ويعتبرونه الموضة المقبلة

وائل عادل |

عمرو دياب بالـ "شبشب"

الجمعة , 27 سبتمبر 2013 - 02:09 | اخر تحديث: السبت , 28 سبتمبر 2013 - 11:09

بعد ظهور النجم الكبير عمرو دياب في فيديو كليبه الأخير "الليلة" وهو ينتعل "الشبشب" في قديمه رغم ارتدائه البدلة، انهالت التعليقات على مواقع التواصل الاجتماعي بين ساخرة ومدافعة، بل وبعض الآراء التي تؤكد أنه رغم طرافة المظهر إلا أن دياب قادر على أن يصنع الموضة مهما كانت غريبة.

ودافع عدد كبير من محبي دياب عن إطلالته بالـ "شبشب" معتبرين أن دياب بتاريخه الكبير يحق له أن يفع ما يحلو له

حيث قال محمود ناصر على " Facebook ": "ده الهضبة، يلبس اللي يعجبه".

وقالت روري: "دة عمرو دياب انشاءالله يبقى حافي محدش يقدر، محدش يقدر يفتح بقه ".

وقال كريم حامد: "عمرو يلبس اللي هو عايزه، حد عنده اعتراض".

كما جاء في بعض التعليقات المدافعة عن عمرو دياب على " Facebook " مؤكدة أن الهضبة خط أحمر مثل خط بارليف، وأنه سيظل الهضبة حتى لو ارتدى البدلة على الملابس الداخلية.

بينما انتقد البعض الآخر مظهر عمرو دياب الذي اعتبروه مدعاة للسخرية وقد يؤكدى إلى انتكاسة لمحبيه

هى وصلت ان عمرو دياب يلبس شبشب على بدلة !

— مشروع اعلامية (@aya_hossam) September 27, 2013

كما انتقد البعض مكابرة محبي دياب ودفاعهم عنه رغم ضعف موقفه.

#شبشب_عمرو : واحد لابس شبشب على بدلة يعني منظر مقرف _ و برضه مهاوييس #عمرو_دياب بيكابروا و يقولوا دي موضة !! إيه الشياكة في كدة يعني ؟!!

— Ahmed Salah (@Ahmed_Salah1907) September 26, 2013

واعتبر آخرون أن حتى "تيتو" لا يمكن أن يقع في مثل هذا الخطأ.

أنا عملت حاجات كتير غلط في حياتي اللي إني ألبس شبشب على بدلة !

— Amoro (@Chmeizler) September 27, 2013

ودعا آخرون إلى عدم التعجب لو ذهبت إلى إحدى حفلات الزفاف ووجدت المدعوين يرتدون "الشبشب".

عمرو دياب لابس شبشب عالبدلة D: عشان محدش يستغرب لو رحت فرح ولقيت حد لابس كده pic.twitter.com/Vv6K6bQ2lO

— ايوة يعني عايز ايه؟ (@Abderrrahmann) September 27, 2013

عمرو دياب فى كليب ( الليلة ) .. لابس شبشب على البدلة ! ... رايحه على فين يامصر .

— ® مولانا (@M7amed_Ibrahim) September 26, 2013

واعتبر البعض أن مظهر دياب بالشبشب لا يليق بتاريخه الفني.

الصراحة شي محلوو وما لايق بتاريخه وبعمره ابد !! اني بس اريد اعرف شكال لروحه لما طلع بهذا المنظر #شبشب_عمرو

— Zaed Saad (@ZaedSaad_) September 26, 2013

أما البعض الآخر فرأوا أن ارتداء الشبشب على البدلة سيكون الموضة القادمة بعد ان أطلقها عمرو دياب.
حيث رفع البعض شعار "وهو كل واحد يلبس اللي يريحوا"، في إشارة إلى أغنية دياب الشهيرة.

عمرو دياب لابس شبشب على البدلة في الكليب الجديد!! مش بعيد تبقى موضة اليومين دوول واهو كل واحد يلبس اللى يريحوه X'D . pic.twitter.com/yhg0kHF2Wo

— םُّבَםَّבٌ ‏ (@Mo7madIbrahim) September 26, 2013

بينما سارع البعض في البحث عن الصور التي تؤكد أن كبار الفنانين يرتدون الشبشب على البدلة وأن الأمر لا يعد غريبا.

شبشب عمرو ,, الموضه القادمه دحنا هنضحك ضحك pic.twitter.com/E5cwG0B653

— •• 3gYza •• (@3gYza) September 26, 2013

فيما ينتظر آخرون انتشار هذه الموضة من أجل الضحك على تابعيها.

عمرو دياب في الكليب الجديد لابس شبشب على البدلة! في إنتظار كل الولاد الروشين اللي بيمشوا على الموضة.. يا نهار ضحك:D pic.twitter.com/BedGUoxDjN

— ـــوْلِيّتٌj (@Marwa_Abduallah) September 26, 2013

وشدد أخرون على قدرة دياب على ابتكار كل ما هو جديد، معتبرون أنه الشخص الوحيد المناسب للأفكار المبتكرة.

عمرو دياب طول عمره يخترع حاجة .. وطول عمرها مبتليقش غير عليه .. وبرده الشباب بيسموها موضة #شبشب_عمرو

— مُحَمَّد (@MelBanna_) September 27, 2013

بكرة تشوفوا الكليب وتعرفو مين هو عمرو وبطلو حقد دة فنان بيصنع الموضة ميجيش حد يتريق ويتكلم كدا #شبشب_عمرو

— Mohamed Al Moghazy (@MrMmam) September 26, 2013

وفي النهاية، سواء كنت من المؤيدين أو المعارضين أو الواثقين من أنها ستكون الموضة المقبلة، شاركنا برأيك عن مظهر دياب وإطلالته بانتعال "الشبشب" على البدلة من خلال "هاشتاج" #شبشب_عمروعلى موقعي "Facebook" و"Twitter".